1294-cü iclas, 19-21 Sentyabr 2017 (DH) H46-2 İlqar Məmmədov Azərbaycana qarşı (Ərizə No. 15172/13) – Cənab İlqar Məmmədovun işi Avropa Məhkəmsi qərarlarının icra edilməsi İstinad sənədi CM/Notes/1294/H46-2 Qərar Nazir müavinləri xatırladırıq ki, Avropa Məhkəməsinin müvafiq qərarına əsasən İlqar Məmmədova qarşı ittihamların irəli sürülməsi və ya həbsi və barəsində həbs qət-imkan tədbirinin seçilməsi…
Avropa Şurasının baş katibiı Thorbjørn Jagland Avropa İnsan Haqları Məhkəməsinin qərarına rəğmən siyasi məhbusun azadlığa buraxılmasından imtina etdiyinə görə Azərbaycana qarşı misli görünməmiş hüquqi hərəkət edilməsinə çağırıb. The Guardian qəzeti yazır ki, Avropa Şurası və AİHM Avropa İttifaqının tərkib strukturuna daxil olmasalar da, hər iki qurumun eyni vaxtda təşəbbüs göstərməsi Azərbaycanda artmaqda olan siyasi…
Vahid Siyasi Məhbus Siyahısının hazırlanması üzrə İşçi Qrup yenilənmiş siyahını təqdim edir
PRESS-RELİZ, 28 Avqust, 2017
Azərbaycanda Siyasi Məhbusların Vahid Siyahısının hazırlanması üzrə İşçi Qrup 2017-ci il, 28 avqustadək daxil olmuş və qrup üzvlərinin təşəbbüsü ilə təqdim olunmuş həbs işlərini araşdıraraq, yenilənmiş siyahını ictimaiyyətə təqdim edir.
Hazırkı yenilənmiş variantda siyahıda 160 ad var. Əldə edilmiş sənədlər, məhkəmə müşahidələri və müsahibələr əsasında İQ 158 işdə siyasi motivli həbsin baş verdiyini təsbit edərək, o məhbusları siyasi məhbus kimi tanıyıb. İki iş hələ də müşahidə altındadır, belə ki, İQ həmin işlərlə bağlı düzgün qərar vermək üçün müfəssəl məlumat və sənədlər əldə edə bilməyib.
Təsbit edilmiş 158 siyasi məhbusdan 10-u jurnalistlər və blogerlər, ikisi şair və yazıçı, biri hüquq müdafiəçisi, 11-i siyasi və ictimai fəal, 97-si inanclı fəal, üçü isə ömürlük məhbuslardır. Daha sonra siyahıya sosial etirazlarda iştirak etdiyi üçün həbs edilən 19 nəfər, iki keçmiş dövlət qulluqçusu daxil edilib. Siyahıdakı Siyasi Girovlar bölümündə üç nəfərin işindən bəhs ediir. Bunlar, tənqidçi qohumlarına təsir göstərmək, yaxud cəzalandırmaq üçün həbs edilən şəxslərdir. Daha on məhbus Səid Dadaşbəyli və digərlərinin işi üzrə həbs olunanlardır ki, İşçi Qrup onları da siyasi məhbus hesab edir.
Tam siyahı və işlər barədə ayrıntılı məlumatı “Vahid Sİyasi Məhbus Siyahısı” hesabatında bu linkdən oxuya bilərsiniz.
İşçi Qrup siyahının yenilənməsi, müşahidə altında olan və yeni işlərin araşdırılması üzrə işi davam etdirir.
Beynəlxalq İctimaiyyət davam edən repressiyalara reaksiya verməlidir
Təəssüf ki, Azərbaycanın siyasi məhbəs karuseli işini davam etdirir. İşçi Qrup təəssüflə qeyd edir ki, siyasi motivli həbslərin nəinki araası kəsilmir, hökumət repressiya siyasətindən əl çəkməyəcəyini açıq nümayiş etdirir.
Yenilənmiş rəqəmləri və işləri yerli və beynəlxalq qurumlara təqdim etməklə bərabər İşçi Qrup dünya ictimaiyyətini məsələnin effektiv həlli üçün səylərini artırmağa çağırır.
Vahid Siyasi Məhbus Siyahısı üzrə İşçi Qrup Mehman Əliyevin həbsi və ölkədə qalan yeganə müstəqil media qurumu “Turan” İnformasiya Agentliyinin işini dayandırması ilə bağlı hiddətini ifadə edir. Qrupun yaydığı bəyanatda belə deyilir. Sənəddə bildirilir ki, “Turan” İA-nin rəhbəri M.Əliyev saxta vergidən yayınma, vəzifə səlahiyyətlərindən sui-istifadə və qanunsuz sahibkarlıq ittihamlarıyla həbs edilib. Yasamal Rayon Məhkəməsi avqustun…
